O orzamento da Fonsagrada para 2012 inclúe a residencia de maiores

31/03/2012 - Pilar G. Cheda / El Progreso (Lugo) O Concello da Fonsagrada contará para este exercicio cun orzamento de algo máis de tres millóns de euros. Nesta suma compútase un crédito de 210.000 euros para a construción da residencia da terceira idade. O alcalde, o socialista Argelio Fernández Queipo, explicou que esta partida se corresponde coa achega que o Concello debe facer para a construción da residencia, un dez por cento do custo total da obra, que ascende a 2,1 millóns de euros. O resto do investimento asumiraa a Deputación.