A liña eléctrica Boimente-Pesoz suma novas demandas

23/03/2012 - Pilar G. Cheda / El Progreso (Lugo) O proxecto de Rede Eléctrica Española (REE) para construír unha liña de alta tensión entre Boimente e Pesoz segue sumando movementos en contra. Os últimos traducíronse en recursos contenciosos administrativos presentados polos concellos da Fonsagrada e Santa Eulalia de Oscos, aos que se unirá en breve outro da Pontenova. Con estes procedementos, os concellos piden á Audiencia Nacional que declare contrario a dereito o proxecto de instalación da liña eléctrica. Argumentan que a súa tramitación acumula varias irregularidades, como a ausencia de alternativas ao trazado aprobado, e que se desatenderon as súas continuas reclamacións polo impacto ambiental, económico e patrimonial que o tendido causará.