08/08/2012 - Yanire D. Villaverde / El Progreso
(Lugo)
Dous mozos fonsagradinos, Rubén Osorio e Marina Barreira,
estudantes de primeiro de bacharelato, conseguiron facerse con dúas das
1.800 prazas que ofrecía un programa educativo promovido polo Goberno
central. O proxecto concedía bolsas a alumnos de cuarto de Eso e
primeiro de Bacharelato de toda España para realizar proxectos de
investigación en diversas universidades.
 |
| Os dous fonsagradinos premiados coas becas, Rubén Osorio e Marina Barreira. (Foto: Tanis) |
O proceso de selección realizouse en función das súas notas
medias de cuarto de Eso e os resultados obtidos nunhas probas en liña
-realizadas o pasado mes de abril- sobre bioloxía, física, química,
tecnoloxía e matemáticas.
Os profesores do Ies Fontem Albei da Fonsagrada, no que estudan
Rubén e Mariña, foron os encargados de informalos sobre a existencia
deste programa e de animalos a participar. Os alumnos tiveron a
posibilidade de elixir entre dez proxectos diferentes en varias
universidades de todo o país.
No hay comentarios:
Publicar un comentario