viernes, 17 de abril de 2009

Os alcaldes da Reserva da Biosfera crean unha asociación para captar fondos

Os alcaldes toman as rendas da Reserva. Os catorce municipios que integran a Reserva da Biosfera Río Eo, Oscos e Terras de Burón decidiron empezar canto antes a mover ficha para que a distinción europea comece a deixar pegada sobre o terreo. Para iso crearon unha asociación para o desenvolvemento do territorio interregional da contorna do río Eo que preside o alcalde de Castropol, o socialista José Ángel Pérez.

Explica o rexedor que o seu obxectivo «é captar algún tipo de fondo ou axuda económica que permita facer realidade un programa de desenvolvemento na comarca». A idea dos alcaldes, di, é «anticiparnos e ter todo preparado para poder optar a axudas no tempo en que non se concreta o órgano reitor».

Os alcaldes son conscientes de que a tramitación vai lenta, e máis ao tratarse dunha reserva interregional que afecta a Asturias e Galicia. O órgano xestor tardará un tempo aínda en funcionar, xa que para ser oficial a Reserva debe ser aprobada polo Senado. Ademais, os cambios de Goberno na Xunta non farán máis que demorar os trámites.

Pérez explicou que a unión dos alcaldes é total e que «os catorce estamos dispostos a empuxar o mesmo carro á vez que pediremos aos gobernos respectivos que axilicen os trámites».

Na xunta directiva a representación asturiana é notable, xa que o alcalde de Taramundi, Eduardo Lastra, é tesoureiro, e a alcaldesa de San Tirso de Abres, Goretti Quintana, é vocal. Na parte galega, o alcalde da Fonsagrada, Argelio Fernández, ostenta a vicepresidencia; o alcalde de Trabada, José Manuel Yanes, a secretaría, e o de Ribadeo, Fernando Suárez, é vocal. Os postos repartíronse equitativamente para que ambas as comunidades estivesen representadas.

A presidencia, agora en mans de Asturias, viaxará a Galicia nun prazo de dous anos. Así o fixan os estatutos: cada dous anos farase cambio de goberno no colectivo.

A última reunión oficial da Reserva, con presenza dos gobernos asturiano e galego, foi en xaneiro na localidade lucense da Fonsagrada. Segundo o previsto, a próxima cita será no verán no municipio de Castropol, aínda que polo momento non transcendeu a orde do día deste encontro.

4 comentarios:

  1. Feliz cumpreanos José Gabriel¡¡
    Segue escribindo neste blog k comezaches con tanta entrega e paixón. Un saúdo de Isa

    ResponderEliminar
  2. Feliz cumpreanos José Gabriel¡¡
    Agardo que durante este ano sigas escribindo neste blog coa misma entrega e paixón coa que escomenzaches.Un saúdo.Isa

    ResponderEliminar
  3. Es curioso que esta noticia haya tenido tan poca visibilidad. Sólo la he visto aquí y en A Fonsagrada na Web. De todas maneras una gran noticia para Fonsagrada. Un abrazo.

    ResponderEliminar
  4. Es curioso que esta noticia haya tenido tan poca visibilidad. Sólo la he visto aquí y en A Fonsagrada na web. Una gran noticia para A Fonsagrada. Un abrazo.

    ResponderEliminar