12 de febreiro de 2012 05:00
1O butelo volveu ser, un ano máis, o produto rei na Fonsagrada, onde onte comezou a décimo quinta edición da Feira do Butelo. Máis de sesenta postos mostraron todo tipo de delicias, principalmente produtos cárnicos, embutidos e, por suposto, butelos, pero tamén houbo pastelerías, panaderías, librerías ou artesáns do coiro ou do vidro. Entre os asistentes estiveron o alcalde, Argelio Fernández; a conselleira de Medio Rural, Rosa Quintana; o subdelegado do Goberno, Ramón Carballo; o presidente da Deputación, José Ramón Gómez Besteiro, ou o senador popular José Manuel Barreiro. A feira continúa hoxe entre as 10.00 e as 19.00 horas. Ademais da exaltación gastronómica, ao longo da xornada haberá actuacións de grupos de música e baile de Antaruxas e Sorteiros.
Estradas verdes
2Por outra banda, onte púxose en marcha un proxecto de plantación de árbores autóctonas nos Camiños francés e portugués. Fíxose grazas a un convenio asinado entre o Xacobeo -a través de Camino Triguero- e Repsol -representado por César Gallo e Luís Llamas- en Portomarín, onde estivo o alcalde, Juan Carlos Serrano. Despois, traballadores voluntarios iniciaron a plantación, principalmente de loureiros, nun tramo de tres quilómetros no Camiño francés. A seguinte actuación será o día 25 en Caldas de Rei, onde se plantarán carballos e castiñeiros.
No hay comentarios:
Publicar un comentario