A Fonsagrada acolle unhas xornadas para aprender a identificar e cociñar cogomelos

O Concello da Fonsagrada organiza, en colaboración co restaurante O Cantábrico, unhas xornadas micolóxicas nas que os participantes aprenderán a distinguir e cociñar cogomelos.
Desenvolveranse en dúas sesións, o mércores e o xoves. As actividades do mércores comezarán ás 15.00 horas. Os participantes partirán do restaurante O Cantábrico acompañados dun micólogo que lles acompañará na recollida dos cogumelos polo monte.
Na tarde do xoves traballarán na identificación dos produtos colleitados e, a continuación, será o momento de cociñalos. Para iso contarán coa colaboración do persoal do citado restaurante fonsagradino.
O Concello está a organizar tamén un magosto, que se celebrará o sábado, a partir das 19.30 horas, na praza da igrexa.