martes, 18 de mayo de 2010

Lugo foi a provincia onde máis caeu o número de autónomos





Un total de 158 empresarios autónomos perderon os seus traballos o pasado mes de abril debido á crise, segundo un informe elaborado pola Asociación de Traballadores Autónomos de Galicia (ATA-Galicia). Da análise despréndese que, durante o pasado mes, o número de traballadores por conta propia descendeu un 0,1 por cento en Galicia, cifra que iguala a media nacional. Todas as provincias galegas viron descender o seu número de emprendedores, sendo Lugo a provincia máis afectada.

Así, mentres o mes de marzo de 2010 pechábase con 223.506 autónomos activos, a finais de abril rexistrouse un descenso porcentual que reduciu a 223.348 o número de pequenos empresarios. Esta redución experimentouse en toda a comunidade autónoma, aínda que Pontevedra foi a menos afectada.

No polo oposto, a máis afectada por este descenso o mes pasado foi Lugo, onde o emprego en autónomos caeu un 0,2 por cento, o que supuxo a perda de 79 emprendedores. Séguelle a provincia da Coruña, onde se perderon 86 emprendedores, un 0,1 por cento en termos relativos, o mesmo porcentaxe rexistrada en Ourense.

O informe mostra tamén unha análise sobre a evolución dos traballadores por conta propia en función dos sectores de actividade. Nel destaca que, en Galicia, a actual crise económica "pasou factura" principalmente aos autónomos da agricultura, que caeron nun 2,6 por cento e na construción, cun descenso do 1,3 porcentual. A industria e o comercio tamén reduciron o seu número de traballadores autónomos, pero con cifras que rozan o un por cento.

As cifras do informe elaborado por ATA-Galicia "reflicten como a perda de autónomos freou con respecto do 2009", segundo o presidente da asociación Rafael Granados. A pesar diso, o colectivo segue nunha "situación complicada" e para o presidente de ATA-Galicia "non se pode falar de recuperación ata que se deixe de destruír a actividade económica e lógrese un tecido produtivo forte".

No hay comentarios:

Publicar un comentario