jueves, 19 de enero de 2012

O PP informa da súa xestión de goberno na Montaña



15/01/2012 - El Progreso (Lugo)

O PP de Lugo iniciou na Fonsagrada unha campaña de difusión das políticas do partido nas administracións central e autonómica. O presidente provincial do partido, José Manuel Barreiro, presidiu esta reunión, na que participaron alcaldes e portavoces locais do PP dos municipios da Montaña.

No transcurso do acto, celebrado na noite do venres, Barreiro sinalou que a convocatoria se enmarca na liña de traballo emprendida polos populares para crear «estruturas internas de participación, debate e xeración de ideas».

A xuízo do máximo responsable do PP na provincia, «neste momento de crise os cidadáns teñen que saber, máis que nunca, as medidas dos gobernos de Galicia e de España».

José Manuel Barreiro recordou que a sociedade lucense «respaldou maioritariamente» nas últimas convocatorias electorais aos populares, tras o que subliñou que «agora cómpre responder con moito traballo e dedicación á confianza que depositaron en nós».

Nesa liña de fortalecemento «do partido» e de difusión do seu traballo nas institucións, o tamén portavoz do PP no Senado remarcou a aposta dos populares por trasladar á cidadanía todas a xestión desenvolvidas no ámbito das novas responsabilidades de goberno.

«A idea é manter un proceso de contacto continuo cos cidadáns», reiterou, tras o que indicou que dito proceso «irá nunha dobre vertente».

Nesa liña, explicou que a «necesaria rendición de contas» sobre o traballo desenvolvido polos cargos do PP nas distintas cámaras parlamentarias, en Madrid e Santiago, virá acompañada doutro proceso permanente de recepción «de ideas , suxestións e inquedanzas que nos permitan facernos eco e capitanear as principais reivindicacións e necesidades dous lucenses».

Barreiro estivo acompañado, entre outros cargos, polo secretario provincial do PP e deputado autonómico José Manuel Balseiro, a portavoz do grupo provincial, Elena Candia, e o portavoz municipal na Fonsagrada, Tobías Martínez.

Estas reunións de coordinación celebraranse ao longo de 2012 por toda a provincia, cunha periodicidade mensual e coa presenza de cargos públicos nas diferentes institucións nas que gobernan os populares.

No hay comentarios:

Publicar un comentario