miércoles, 1 de abril de 2009

Case a metade dos presidentes de Parlamentos autonómicos son mulleres

En Galicia, Pilar Rojo substitúe a Dolores Villarino, e en Euskadi, Quiroga substituirá outra muller, Izaskun Bilbao, do Partido Nacionalista Vasco.Ademais de Galicia e o País Vasco (en ambos os dous casos con representantes do Partido Popular), as Comunidades cuxos Parlamentos contan cunha muller á fronte son as de Andalucía, Asturias, Baleares, Madrid, Navarra e Comunidade Valenciana.

Das oito presidentas dos Parlamentos autonómicos, catro pertencen ao PP, tres ao PSOE e unha a Unión Mallorquina (UM).

En Andalucía, é a socialista Fuensanta Coves quen foi elixida para presidir a asemblea autonómica en abril do ano pasado, e en Navarra é Elena Torres Miranda, tamén do PSOE, a que dirixe dende 2007 os debates da Cámara foral.

Tamén dende ese ano Elvira Rodríguez, do Partido Popular, preside a Asemblea da Comunidade de Madrid, e Milagrosa Martínez, deste mesmo partido, dirixe as Cortes valencianas.

María Jesús Álvarez, do PSOE, foi reelixida tras as últimas eleccións autonómicas á fronte do Parlamento de Asturias, mentres que o de Baleares ten como presidenta a María Antonia Munar, de Unión Mallorquina.

Dende a aprobación dos Estatutos de Autonomía, é a Comunidade madrileña a que máis mulleres tivo como presidentas da súa Asemblea (3) e na que Rosa Posada (CDS) se converteu, en 1987, na primeira de toda España.En Andalucía, Asturias, Navarra e Galicia, presidiron o parlamento dúas mulleres; en Baleares, Castela-A Mancha e Extremadura e País Vasco, unha, e no resto, ningunha.

No hay comentarios:

Publicar un comentario